Ola! O noso Repair Café forma parte da rede de Bancos de Reciclaxe Electrónica con Software Libre de Galicia, que ten varios obxectivos:
- A difusión das tecnoloxías libres e da soberanía dixital
- A promoción da electrónica ética, mediante a reutilización de equipos electrónicos coa fin de aumentar a súa vida útil. Esto implica unha diminución tanto dos residuos xerados como da extracción de materiais requiridos na fabricación.
- A redución da fenda dixital
Actualmente existen 5 bancos en Galicia, que xorden da colaboración de varias asociacións e da implicación de ONG de carácter social, que nos permiten canalizar os equipos cara as persoas que os necesitan.
Tratamos de ir máis alá da reparación dos equipos, impartindo formacións ás persoas usuarias e talleres de reparación abertos ao público xeral. Tamen damos charlas en institutos, chamando a atención sobre a procedencia dos materiais empregados na fabricación, e o que ocorre coa súa eliminación. Todos os bancos están xestionados por persoas voluntarias (unhas 25 en toda Galicia). En Vigo o banco levámolo entre as asociación Enxeñería Sen Fronteiras, Informática Solidaria, A Industriosa e o IEEE UVigo.